Wednesday, July 12, 2006

Pessimisme

Hierdie artikel is geskryf deur 'n Engelsman (Theodore Dalrymple) wat Frankryk toe getrek het a.g.v. die misdaad in Engeland. Hy gaan vreeslik af oor hoe die Engelse samelewing oor die afgrond is en hoe swak alles nou daar gaan. Klink nogal bekend ne? Alles wat hy sê is natuurlik waar, meeste Suid-Afrikaners in die V.K. sal jou 'n paar stories kan vertel van dronk yobs wat hulle aangeval of ten minste gedreig het. Net soos die stories wat vertel word van S.A. ook waar is. Mense wat Nieu-Seeland of Kanada of Australië toe wil trek oor die misdaad hier (of dalk reeds het) moet die laaste paragraaf van Dalrymple se artikel egter mooi lees :
Therefore I have removed myself: not that I imagine things are much better, only slightly different, in France. But one does not feel the defects of a foreign country in quite the same lacerating way as the defects of one’s native land; they are more an object of amused, detached interest than of personal despair.
Dis maklik om negatief te wees oor jou eie land en die groen gras oorkant die draad te sien. Dis baie moeiliker om jou land se gras te probeer groener maak.

Op 'n ligter noot, hier is 'n quiz om uit te vind of jy 'n yob is.

52 comments:

Do Kwang said...

Richard, die statistieke vertel 'n ander storie as wat jy met hierdie post skets. Ek meen in hoeveel ander lande word daar elke 30 sekondes 'n vrou verkrag? Definitief nie in Frankryk nie. In Kanada slaap mense met hul deure oop. Toe ek in Singapoer was, was die hoofstorie op die voorblad van die grootste koerant oor 'n handsakdiefstal.
(Okay, met jou volgende post sal ek 'n slag met jou saamstem, belowe.)

Pienk Zuit said...

Nee hokaai nou. Ek probeer dan juis nie 'n rooskleurige prentjie skets van S.A. nie. Wys my die sin waar ek sê ons het net soveel misdaad as in ander lande. Ek seg dan juis die stories oor misdaad hier is waar. Ek let net op dat daar mense in ander lande is wat ook so sterk voel oor hulle lande se tekortkominge dat hulle eerder na 'n ander land toe sal trek (en dat hulle dan meestal blind is vir daardie land se tekortkominge).

Ek stem sterk saam dat misdaad 'n probleem is hier, maar ek wil eerder iets daaraan doen as trek.

Do Kwang said...

Okay, skuus.
Al wat ek nogtans wil se^ is dat Dalrympie se artikel my nie minder lus gemaak het om Kanada toe te trek weens die misdaad nie. Maar ek is tans baie suur en pessimisties, so jy moet jou nie onnodig aan my steur nie. Twee mense wat ek ken is die afgelope ses maande vermoor, ek is twee keer met messe beroof, en ek verstaan nie hoekom ek moet rondhang om van SA 'n beter plek te maak nie. Maar dis my probleem, ek dink nie ek is reg daaroor of iets nie, dis elkgeval nie 'n reg/verkeerd issue nie.

Anonymous said...

Die misdaad wat almal so beskryf in Engeland(jobs en diesmeer) is nie eers in dieselfde liga as Suid-Afrika nie. Dit is soos om n sappige karoo tjoppie te vergelyk met n kwart koppie droe rys sonder sout vir middagete. 4 jaar in Engeland en "touch wood" nog nie deur misdaad geraak nie. Hier is geen diefwering nie. Bel die polisie en hulle is dadelik daar, sommer n paar karre. Petrolstasies het nie mense wat die petrol ingooi nie. Jy gooi self in en gaan betaal by die kassier. Alles ordelik. Niemand ry weg sonder om te betaal nie. In RSA sal dit pandemonium wees!! Stap mens in die dorp voel jy veilig en hou nie jou testikels vas uit vrees dat hul gesteel gaan word nie. Op die parkeerterreine los ek sommer my sakke in die kar oop en bloot. Niemand het nog ingebreek nie. My vrou het vir 8 maande oor die hele land per trein gery vroeg oggende en laat aande en het nooit onveilig gevoel nie. Oral is daar CCTV en kriminele wod gevang. Ja daar is areas waar mens onveilig is, maar dit is in enige land so. Die jobs is meesal aktief laat nag en vroee oggendure as almal gesuip is en respektabele mense al slaap en dan in areas wat mens sommer weet hier is stront as mens daar rondhang. As daar n moord gepleeg word is dit voorbladnuus vir dae en soms weke ook op die nuus. Hoe n brutale moord moet mens in Suid-Afrika pleeg om die koerant te haal? Meeste moorde haal nie eens die koerant nie in RSA. Mense wat beweer misdaad is nie n probleem in Suid-Afrika nie moet vir 20 minute van hul gatte opstaan en uitklim agter hul sekuriteitsomheinde mure en oor n naweek in enige ongevalle in RSA gaan kyk wat aangaan. Dit is afgryslik die hele misdaadsituasie in RSA. Asof die misdaad nie erg genoeg is nie is dit asof die brutaliteit van die misdade ook net toeneem. Genoeg is genoeg. Gewone mense sal moet opstaan en see nee dit is genoeg en die regering dwing om op te tree. As dit so in die UK aangaan sal dit as n siviele oorlog geklassifiseer word. Baie hartseer en my denke gaan met almal wat deur misdaad geraak is.

Anonymous said...

die grootste probleem in engeland is dat die britte so bederf geword het met die goeie omstandighede waaronder hul leef dat hul heel perspektief verloor het met realitiet. Mr Dalrympie is moontlik een van diegene wat so bederf is deur die moderne sosialistiese bedeling in engeland dat sy siening oor die misdaad situasie in engeland en alles wat swak is in engeland moontlik met n knippie sout gevat moet word. ek sien dit daagliks dat britte met mag en geweld alles verkoop en spanje of frankryk toe trek agter die son en leefstyl aan. meeste kom verarm en stert tussen die bene terug engeland toe, yobs of nie!

Anonymous said...

pienk zuit ek let op jy antwoord prof hierbo dat mense wat na ander lande trek blind is vir daardie land se probleme. As mense na RSA trek en nie met misdaad n probleem het in RSA met hul aankome nie, is dit OF omdat hulle in n koma in ongevalle le weens n skietwond opgedoen soos hulle Kaapstad internationaal verlaat het OF omdat hul brille gesteel is op die vlug na Kaapstad!

Ieder geval het hul n moerse insig probleem en as hul oe oopgaan en die realiteit hul tref gaan hul massiewe anale inkontinensie ontwikkel

Lammervanger said...

Richard, onthou dat negatief wees oor 'n land (maw alles afskiet wat amper positief lyk) en bewus wees van die misdaadprobleem (maw wakker lê in jou bed terwyl jy jouself bekommer oor jou en jou geliefdes se veiligheid) is nie noodwendig dieselfde ding nie. Hier woon baie mense in Oz (en ander plekke op die aardbol) wat baie lief vir SA is. Baie emigreer omdat hulle voel hulle het nie 'n keuse nie en is eintlik baie ongelukkig in die vreemde. In Australië sal jy nooit as te nimmer hoor van 'n 80-jarige vrou wie se kop met 'n baksteen papgeslaan is en haar man wie se vingers met 'n snoeiskêr afgesny is nie. Dit gebeur eenvoudig nie. HIer is 300 moorde per jaar. SA het 20000 of so iets. Meeste mense doen dit vir hulle vrou/kinders of het 'n afskuwelike ondervinding gehad. Ek sê weer - ons gaan nie terug SA toe omdat ons 'n verskil kan maak nie, ons mis die lekker dinge van SA. Waar ek en jy bly kan ons niks aan 20000 moorde per jaar doen nie.

Pienk Zuit said...

Ek het nou maar die toepaslike sin in my post bold gemaak sodat almal tog kan raaklees dat ek geensins probeer ontken misdaad is 'n groot probleem hier nie.

Hier is hoe ek dit sien (jy's natuurlik welkom om van my te verskil): Om optimisties te wees of pessimisties te wees is'n besluit wat jy self maak. As mens die keuse maak om optimisties te wees, maak jy die lewe vir jouself sommer baie lekkerder. Optimisme ontken nie die negatiewe nie. Optimisme kies om op die positiewe te fokus, en selfs om die negatiewe te probeer verander. Dis anders as ontkenning of naïwiteit.

Lambo (van waneer af noem jy my so formeel "Richard"?) ek verskil van jou daar. Ek dink wel ons kan 'n verskil maak. Om die waarheid te sê, ek dink NET ons (die gewone mense) kan 'n verskil maak, nie die politici of iemand anders nie.

Anonymous said...

pink zuit ek het besluit om REALISTIES wees, en dit is nie om difficult te wees of anders te wees nie. (Ek respekteer jou siening 100%) Dit is n besluit wat eintlik op my afgedwing is deur omstandighede. Ek dink jy oorvereenvoudig die hele storie met die dat mens die keuse het om positief of negatief te wees. Ek dink as mens by daardie kruispad staan waar mens moet besluit om positief of negatief te wees is mens in ontkenning en is dit n "instinctive" reaksie om jouself en handelinge te "justify" . Eintlik in jou hart van harte weet jy die skrif is aan die muur, maar jy wil dit ontken. Mens skuil agter die skerm van rassionele denke deur te argumenteer vir of die positiewe of die negatiewe kamp. Ek was daar en weet. Die volgende stop na hierdie kruispad irrespektief wat jy besluit negatief of positief is REALITEIT. Nou realiteit kom geleidelik met tyd soos die gebeure jou stadig soos n kanker opvreet of skielik soos wanneer jy in n 9 mm se loop afkyk van die verkeerde kant af. Dit is maar n taamlik triestige prentjie om so in n loop op te kyk onder die Afrika son. Dit word stil in jou en EEN VAN TWEE dinge gebeur. OF die koeel slaan jou moertoe, OF jy is "gelukkig" en oorleef en dan slaan REALITEIT jou. Tussen die twee is dit vir my baie moeilik om te besluit watter een is die ergste. Ek weet dit klink snaaks, maar dit is so. Dan is mens op die stadium waar positief of negatief irrelivant is. Realisme domineer jou denke.

Nou vra ek jou:
(hou asb in gedagte dat ek nie teen jou sieninge is nie en smag met my hele hart na n situasie waar misdaad nie so n prominente rol speel nie. Elke oggend stap ek uit my huis en met die eerste asemtrek dring die besef deur tot my dat hierdie mistige asem in die verre UK net nie dieselfde smaak as n vars ou Karoo briesie nie. Ek smag daarna om my honde te sien om nie te praat van my mense nie)

Wat gaan/kan die gewone mense doen om die situasie te verander aangaande misdaad in RSA?

Om bloot te kies tussen positief of negatief is mos nou soos om te poep teen donderweer?

Anonymous said...

Wat hartseer is in RSA is dat mens so gekondisioneer is deur die media en regerende magte dat mense nie hul basiese reg tot n vreedsame bestaan onvoorwaardelik "claim" nie.

Daar sal n gewapende roof wees met koeels wat vlieg en dan sal persone in hoe posisies stellings maak soos:

Gewapende roof, MAAR gelukkig is niemand dood nie, 20 mense is nou wel beseer en vermink EN VIR EWIG GESKAAD DEUR DIE INSIDENT.

HALLOOOOOOO!!!!!!!!!!!!?????????

Dit is om die punt te mis met n myl,...gewapende roof moet nie gebeur nie.

OF iemand word verkrag en dan sal mense stellings maak soos:

Gelukkig het die vrou nie haar lewe verloor nie of dankie tog sy het nie vigs gekry nie.

HALLLLL0000!!!!!!!!!!??????

Dit moet geensins gebeur nie in die eerste plek.

Ongelukkig is geweld en misdaad so deeel van ons lewe dat ons sulke stellings aanvaar en self maak.

BASTA MET SULKE STELLING. MISDAAD VAN ENIGE AARD IS ONAANVAARBAAR EN DRUIS IN TEEN N MENS SE BASIESE DEMOKRATIESE REG OM N VEILIGE SAMELEWEING.

JAN PUBLIEK "CLAIM" JUL ONVOORWAARDELIKE REG TOT N MISDAAD VRYE ALLEDAAGSE BESTAAN.

PINK ZUIT: HOE STEL JY VOOR JAN PUBLIEK MAAK N VERSKIL EN STAAN OP TEEN MISDAAD?????

maeree said...

Joe-hee, maar die mense raak opgewonde. Wat mens natuurlik kan verstaan. Ons lewens in SA is bizar, en ons weet dit nie eers nie. In my ses maande in Swede is daar een persoon in die land vermoor en almal was baie ontsteld daaroor.
"But one does not feel the defects of a foreign country in quite the same lacerating way as the defects of one’s native land; they are more an object of amused, detached interest than of personal despair.
Dis maklik om negatief te wees oor jou eie land en die groen gras oorkant die draad te sien. Dis baie moeiliker om jou land se gras te probeer groener maak."
Vriend Zuit, ek stem met jou saam.
Geen asemrowende bydrae tot die gesprek nie. Wou maar net s^e ek stem saam.

Pienk Zuit said...

maeree - dankie, dis al wat ek wou gehad het, iemand wat saamstem.

al die anonieme - Positief wees ontken nie die probleem nie, maar wil dit eerder oplos as dit ignoreer of wegvlug daarvandaan. Oor 'n oplossing: ek het nie 'n resep of 'n puntsgewyse plan nie. Om te besluit genoeg is genoeg is waarskynlik die eerste punt van so 'n resep. Om die oorsake van die misdaad te kry kan nog 'n stap wees. Om 'n bydrae te probeer lewer om die oorsake in jou omgewing te probeer verander of verwyder dalk nog 'n stap. As die meerderheid van mense ontevrede is met hoe "the powers that be" misdaad hanteer, kry daardie meerderheid om "the powers that be" te vervang met mense wat 'n beter plan het. Of neem deel aan 'n gesprek wat 'n oplossing probeer soek.

Positief wees beteken om 'n beeld te hê van hoe wonderlik dit hier kan wees, en om te probeer om daar uit te kom. Dit is 'n keuse of mens aanhou probeer vir daardie droom of opgee en besluit dit gaan nooit so wees nie. Dit sluit nie realisme uit nie, mens moet juis realisties wees oor die probleme om dit te kan begin oplos.

Anonymous said...

Ek stem saam met Dick en Maria van Sound of Music faam:

I have confidence in confidence alone!
Besides what you see I have confidence
In me!!!!!!!!!!!!

Wim Morris

Anonymous said...

MAEREE

DANKIE! Jy bevestig maar net wat ek se,..1 moord in swede in 6 maande en dit is nuus!!

Met die grootste respek en hoogagtend wil ek net vriendelik se^ dat om te se^ die mense raak opgewonde is die verkeerde bewoording. Mens raak opgewonde as mens n mooi kersgeskenk kry, OF jou hond bring vir jou die koerant soggens OF jou geliegde spring ONVERWAGS saam met jou in die stort op n weeksoggend voor werk!! Dit is iets om van opgewonde te raak. Wat jy hierbo sien is nie opgewondenheid nie maar onderdrukte, beheersde woede en hartseer wat sy uiting vind in n weeklaag van negatitiwiteit, OF NEE dan klink ek soos pink zuit, sal ek liewer se^ realiteit!

Anonymous said...

pink zuit

Dankie vir jou kommentaar aan die anonieme. Dit is oor en oor gelees(en dit sukkel om ingang by my verstand te kry) en het ek tot die slotsom gekom(ek is NIE n beroepsvoorligter nie en ek se^ dit met die grootste respek en hoogagtend)maar jy het waaragtig n toekoms in die politiek. Jy sal dit ver maak met so n antwoord!!! As jy nog nie daarmee betrokke is nie moet jy dit oorweeg daadwerklik!!!

So na al die gekabbel is ons nog op dieselfde punt en dit is dat ons SAAMSTEM dat misdaad n probleem is in RSA. Die hele tirade oor die gras wat groener is aan die ander kant is eintlik irrelevant want nie een van ons het die vaagste idee hoe om dit te verander nie. Jou positiwiteit en my realiteit kan grens aan psigose en kan ons heel dag op ons koppe staan en sing vir vrede en dit gaan net mooi niks help nie.

Dit is my gevoel dat van te veel praat en niks doen nie dat die misdaad situasie is waar dit is tans.

Om die "powers that be" te oortuig is nou wragtig n onpraktiese voorstel. Kom nou,...dit is mos nou dagdromery en n politiek korrekte antwoord!

Miskien moet mens n aksie van stapel stuur. Self iets so eenvoudigs soos n paar miljoen T hemde druk met slogans soos "make Crime history" ensomeer en kyk of mens mense kan mobiliseer om op straat hul misnoee uit te spreek. Ten minste kan mense dan hoop kry dat hul iets doen en dan geleidelik POSITIEF raak oor hul bydrae. Dan sal jy nog n stuk kan skryf oor die krag van positiewe denke!!

My vrees is net dat die realiteit hierdie mooi idee/dagdroom van my gaan verkrag.

Elk geval nou kan jy beter voel, want ons STEM SAAM, HET NOG DIE HEELTYD!, dat misdaad n probleem is, so hopelik kry ek nou ook soos maeree n offisiele dankie!!!

groete
KLAGAT

Anonymous said...

pienk zuit

op n ander noot,....het jy n probleem met mense wat oor die werld heen werk vir watter rede ook al.

Dit wil vir my so voorkom as mens jou artikel lees en hoe jy mense maan om mooi te lees wat Dalrympie te se^ het.

Anonymous said...

o ja die vorige een was weereens van KLAGAT soos jy kon aflei pink zuit!

Pienk Zuit said...

Klagat, ek het glad nie 'n probleem met sulke mense nie, ek was op verskeie tye in my lewe al een van hulle. En ek sal waarskynlik in die toekoms weer wees (dis nou iemand wat in die buiteland werk vir 'n tyd, nie iemand wat immigreer nie). Dis juis omdat dit so goed verwoord wat ek ervaar het wat ek vir Dalrymple aanhaal. En mense soos maeree en baie ander vriende van my wat in die buiieland gebly het of steeds daar bly wat dit ook so ervaar.

Ek is bly ons stem saam Klagat. Die gesprek los niks nou op nie, maar dit kan dalk iemand se ingesteldheid verander.

Anonymous said...

REGTE/GOEIE ANTWOORD!!!!

GROETNIS EN SO MEER
KLAGAT

Anonymous said...

PIENK ZUIT

So met nadenke en betragting,...het jy dan n probleem met mense wat immigreer vir watter rede ookal?

KLAGAT

Anonymous said...

pienk zuit

nou is ek deurmekaar tussen immigreer en emigreer. Immigreer vir die land waarheen mens gaan en emigreer is vir die land wat mens verlaat. So ek dink ons het dit beide verkeerd hierbo.

so met my vraag bedoel ek mense wat permanent RSA verlaat(emigreer)

KLAGAT

Pienk Zuit said...

Klagat, ek het ook nie 'n probleem met alle mense wat emigreer nie. Ek het wel 'n probleem met mense wat emigreer en dan in die nuwe land vir S.A., en die mense wat kies om te bly, vreeslik kwaadpraat. Hulle het die keuse gemaak om burgers van 'n nuwe land te word, wees dan burgers van daardie nuwe land, nie meer Suid-Afrikaners nie. Praat die land se taal, gaan na hulle kerke toe en kla oor hulle probleme. Moenie probeer vashou aan afrikaans en jou ou kultuur in so 'n mate dat jy nooit 'n Brit of Kanadees of wat ook al word nie.

Daar is mense wat emigreer omdat hulle geen ander uitweg sien nie, daarmee het ek geen probleem nie. Maar emigreer dan net heeltemal en besef waarvoor jy jouself inlaat voor jy dit doen.

Do Kwang said...

Ek wil dit net vir die rekord duidelik maak dat ek nie Klagat is nie.

Do Kwang said...

Richard, ek dink ook jy het 'n punt beet dat mens soms kan kies om positief te wees en dat dit baie meer produktief is. Oftewel, jy kan kies om so positief te wees as wat vir jou moontlik is. Somtyds die mees positiewe besluit wat mens egter kan maak om die land te verlaat, en ek stem nie saam dat enigeen wat daai besluit neem outomaties sy kulturele identiteit moet prysgee nie. Hoekom?

Anonymous said...

pink zuit

weer n baie goeie politiek korrekte antwoord. Stem vir eens dadelik met jou saam. Voel ook so oor jou stelling rakende emigrasie/immigrasie.

Jy is of baie eerlik of net goed gatvol vir my gesanik vandag!

Groetnis en someer
KLAGAT

Anonymous said...

Prof

as jy nie n KLAGAT is nie, wat is jy dan??

EN "by the way"daar is niks fout om n KLAGAT te wees nie.

KLAGAT

Anonymous said...

vir die rekord:

Ek is TROTS om n klagat te wees, ten minste het ek meer identiteit as n klip!

KLagat

Anonymous said...

prof

sit jou gat in rat en kry salige rus weer op standaard asb!!!!



klagat

Anonymous said...

PROF

DANKIE VIR DIE HEUGELIKE OOMBLIK EN GEVOEL VAN VREUGDE.

SALIGE RUS IS WEER OP STANDAARD EN "GE-UPDATE" NA N LANG AFWESIGHEID!

KLAGAT

Anonymous said...

PINK ZUIT

AS JY VIR WELKE REDE OOK AL MOET GAUTENG TOE TREK,...GAAN JY VIR DIE BLOU BULLE SKREE?

ANTWOORD NOU EERLIK

BY VOORBAAT DANK
KLAGAT

Do Kwang said...

Nee Klagat, ek stem saam met alles wat jy se^. Maar feit bly staan ek is nie jy nie. Dis maar al. Ek wil net nie he^ iemand moet verward raak nie, omdat ons menings deels oorvleuel. Maar thanx vir die bittergalige histeriese van jou kant af na my laaste comment, jeeeeezzzz!

Lammervanger said...

Onthou wat ek gesê het (Dick/Rick/InterRick): Daar is verskriklik baie Suid-Afrikaners in die buiteland wat baie ongelukkig is en die land verlaat het omdat hulle gevoel het dat daar geen ander keuse is nie. Die feit dat hulle nie fisies in Suid-Afrika is nie, maak hulle net nog trotser om Suid-Afrikaans te wees. Hier is ook baie negatiewe ex-pats, maar glo my daar is meer negatiewe Suid-Afrikaners in Suid-Afrika as buite Suid-Afrika. Die Volk ly mos aan 'n ongeneeslike niks-is-goed-genoeg-nie sindroom - koppel dit nou aan 'n misdaadprobleem en jy het lekker rede vir Klippies suip en bitch. Op die oomblik geniet ek dit baie dat ek nie oor my meisie hoef te worry as sy alleen gaan draf of alleen by die huis is as ek weg is nie of as ons kar gaan staan in die middel van nêrens nie. Ek is baie lief vir Suid-Afrika en ek het nog nooit iets slegs oor die land kwytgeraak nie, maar dit maak my nie blind nie.

Verder hoop ek die Springbokke vermink die Wallabies hierdie Saterdag en dat Pierre Spies die nuwe Bobby word. Ek wil ook graag hê dat mense 31 comments op my blog los so van nou af gaan ek net oor sosiale probleme in Suid-Afrika blog.

Voetstoots van Tonder said...

juis Lammervanger juis - 30 plus comments is inderdaad bewonderenswaardig...

'n observasie: as mens in SA grootword, maar die plek dan verlaat, is SA beide veiliger en onveiliger, afhangend hoe jy daarna kyk:
- dis VEILIGER, want jy behoort te weet waar om te gaan, en waar nie, en daar's m.a.w. minder kans dat jy op 'n simpel plek/manier beroof word (soos wat wel met my gebeur het in Londen - die storie waarna jy goedgunstiglik ge-link het in jou oorspronklike post, Pienk Zuit);
- aan die ander kant is dit ook ONVEILIGER, want jy is meer bewus van al die negatiewe stories, die kans is beter (bloot waarskynlikhede) dat jy iemand ken wat direk geaffekteer is, ens.

daarmee spreek ek nie 'n opinie oor die objektiewe, ware toedrag van sake in SA relatief tot waarookal nie - daar is genoeg statistieke wat vanself spreek
- my persoonlike opsomming: ek is "nog net" in Londen beroof, maar ek voel steeds minder veilig wanneer ek in SA is...al is ek ook hoe lief vir die plek

rondloper said...

Lammervanger maak 'n baie interessante stelling en sterk punt: vir Suid-Afrikaners (veral Afrikaanssprekend) is niks inderdaad ooit goed genoeg nie. Ja, misdaad is bitter sleg in SA. Maar, ek onthou nog van my dae by die koerant hoe graag ons die land sleg gemaak het - die slegste paaie, die meeste ongelukke, op die afdraande na Afrika, hospitale gaan ageruit bla-bla-bla. Soms waar, dikwels nie (witmense suffer mos maar noudat hulle nie meer alles van die beste kry nie, en die oplossing is dan om te kla). Dus is Dick se punt, ons moet meer optimisties wees, ook vir my die heel sinvolste bydrae tot hierdie gesprek. Jy kan vir ewig kla as jy wil. Ek persoonlik is en sal altyd 'n Suid-Afrikaner wees, hoewel ek graag op ander plekke woon en werk, - maar ek loop nie rond en maak my land sleg nie. Iets wat my opgeval het onlangs in Nieu-Seeland, as een voorbeeld, in net twee dae was daar in Auckland (wat kleiner as Bloemfontein is) twee moorde, een baie wrede verkragting, en kinders wat klippe by 'n brug af op karre gegooi het. Die verkragter het by die vrou se huis ingeloop, haar uitgsleep, in sy kar gelaai, en in die bosse verkrag. Die media het berig daaroor, maar nie soos party koerante hier nie. Die klippe van die brug af was op bl 4 of 6 of iets, ek onthou dit goed. Ek het inderwaarheid min plekke gesien waar die koerante met soveel leedvermaak soos Die Burger elke nou en dan verkondig dat SA nou weer die slegste gevaar het in hierdie of daardie twyfelagtige oorsese peiling. Het ons so min respek vir ons land? Van al die kla is dit nie vir my verrassend dat dinge sleg gaan nie. Negatiwiteit laat nog negatiwiteit uitbroei. En ek ontken nie dat daar 'n misdaadprobleem is nie, maar mens kan dit anders benader.

Lammervanger said...

Ek stem saam Rondloper. Daai siekte van die Afrikaner steek sy kop alte graag uit tydens sportondersteuning. Die span gaan in elkgeval nie wen nie (dan wen hulle), ja maar die ander span was swak (dan is die ander span sterk), ja maar ons kyk maar hoe dit oorsee gaan, ens ens. As ons verloor is dit dan tog te lekker om te sê Ek het mos gesê! Ek skat dit is omdat die Afrikaner op 'n kontinent sit waar hy konstant nog aan die baklei en vrees was/is. As die Swart gevaar ons nie verswelg nie dan bliksem ons mekaar in die kroeg. Daar is soveel minder wat om 'n braaivleisvuur gesê kan word as alles goedgaan...

Maar daar is geen trotser Afrikaner as ek nie, ek gee nie om watse etikette daarmee saamgaan nie.

Pienk Zuit said...

Klagat - oor jou Blou Bul vraag : Dis 'n goeie vraag. Ek weet nie, maar as ek na my verlede kyk: Ek is in die Vrystaat gebore en het na 6 jaar Kaap toe getrek. Ek het nog vir 'n hele ruk vir die Vrystaat geskree, maar op die ou end 'n vurige WP ondersteuner geword. (Dalk het Carel du Plessis se span iets daarmee te doen gehad). So as ek permanent soontoe trek sal ek seker na 'n ruk die besluit moet neem om eerder te probeer om gelukkig daar te wees en daar in te pas en daar vriende te maak, en uit eindelik vir die Bulle te skree. Eerder as om altyd terug te verlang Kaap toe en myself so ongelukkig te maak. Ek weet dis makliker gesê as gedaan, maar dis hoe dit vir my sin maak.

Die rede hoekom ek daarteen is om te emigreer en dan nog aan SA vas te hou is omdat ek gesien het hoe sulke mense meestal net met ander Suid-Afrikaners vriende is, na 'n Afrikaanse kerk toe gaan en op die ou end nie veel vir hulle gemeenskap waar hulle bly beteken nie. Daardie mense is op die ou end maar eensaam en voel permanent vreemd, en die versoeking is dan groot om verbitterd te raak teenoor SA.

Oor Pretoria toe trek: Ek het iemand geken wat altyd gesê het: "As ek wou emigreer sal ek eerder my paspoort gebruik" (grappie)

Anonymous said...

LAMMERVANGER

DANKIE, JY DRUK MY SIENING UIT NET SOOS EK DIT SIEN. GOED GESTEL MET DEURNIS EN INSIG!!!

MOOI DAG
DAWIE DIE KABOUTER

Anonymous said...

van tonder voetstoots

Bietjie filosofies en polities korrek, maar ook n goeie punt. Objektiwiteit het so bietjie sy plek verloor in hierdie argument,...ek dink mens moet weg doen met hierdie "cliches" van negatiwiteit en positiwiteit en objektiwiteit en dit vervang met n meer logiese term REALITEIT. Sien as mens realisties is word baie dinge eenvoudig en maklik om te verstaan.

Mooi dag en sommer mooi aand ook vanaand
Dawie die Kabouter

Pienk Zuit said...

Dawie, ek noem maar net: Dis ook 'n ou politieke truuk om 'n gesanik as realisme te omskryf.

Ek dink hiermee sluit ek nou hierdie gesprek af van my kant af. Ek voel of ek nou alles gesê het wat ek nou kan oor hierdie onderwerp.

Lammervanger said...

Hoe voel julle oor aborsie?

Anonymous said...

rondloper

Net n paar punte. Ek het gewonder wie was die doners was destyds so negatief oor die land geskryf het toe ek nog verblind was met n oormaat positiwiteit op pad na realiteit!! So jy was een?!

Wel dit was n bietjie prematuur maar met terugblik blyk dit dat jul destyds met die insig van siener van rensburg geskryf het, al jul stories word nou waar.

Baie geluk!

oor die auckland storie wil ek net byvoeg dat daar oral misdaad is in enige samelweing in die wereld en wat jy beskryf het is gruwelooslik, geen argument. Ek dink net met my persoonlike ondervinding en blootstelling in die "frontline" in RSA gebeur daardie tipe ding daagliks by herhaling. En glo my ek skryf nie uit ondervinding wat ek in die Burger opgedoen het terwyl ek n koue bier gedrink het en in my leunstoel gesit en Egoli kyk het nie!!

Ek wonder of jy my kan help. Ek tel n diep gesette tendens op op hierdie blog met die argumente/wisseling van opinies,...sodra dinge begin problematies lyk beweeg die deelnemeres in n "positiewe vs negatiewe mode" in .

Ek verstaan dit nie. Waar kom dit vandaan??

So asof positief vs negatief nou die doepa is wat alles gaan reg maak!

Elk geval groetnis en alles wat mooi en voorspoedig is

Dawie, die kabouter

Anonymous said...

pink zuit

nee jy is reg, gesanik raak na n tyd vervelig. Elk geval,. dink ek is nie meer hier welkom nie en sal dus my realisme vat en maar weer by Salige Rus gaan kers opsteek, hopelik is daar n vandag n beter, positiewe storie as die Lux Verbi storie. Na die eerste 10 paragrawe het ek innig vir Lux Verbi begin jammer kry!!

Anonymous said...

almal

net voor ek vaarwel roep wil ek dit net ondubbelsinnig op die rekord stel dat EK n TROTSTE Suid-Afrikaner is, ja n trotse Suid-Afrikaner. Mens kan immers die boer uit die bos haal maar nie die bos uit die boer nie!

Vaaaaaaaarweeeeelll

Dawie die trotse Suid-Afrikaanse Kabouter

Anonymous said...

DAGWEER !!!

DAWIE WOU LOOP MAAR IS WEER TERUG NA SY FLIRTASIE OP SALIGE RUS. MENS IS DEESDAE BANG OM OP SALIGE RUS TE GAAN. EK VREES VIR MY LEWE!!!EERS WAS DAAR FOTOS VAN MENSE WAT GEHANG WORD VIR DAE EN TOE WORD DIT VERVANG MET N AANVAL OF DIE ARME LUX VERBI WAT MENS LAAT DUIK VIR SKUILING! EN ASOF DIT NIE GENOEG IS NIE VERKLAAR JOHANNES HY IS NOU SATAN SELF,....NEE MY F.. DIT KOM NOU AS MENS MAMMON AANBID EN JOU BLOG VERKOOP!!

O JA EN JOHANNES IS(LET WEL IS) NOU DIE BURGER!! DIT IS TE OORDEEL AAN ENE MNR MALAN SE BRIEF WAAR HY KAALVUIS INKLIM EN LAAT WIP!

PROF WAT GAAN AAN??

VIR DIE REKORD BG IS MET DIE TONG IN DIE KIES GESKRYF EN MOET ASB SO INTERPRETEER WORD,...

MOOI WENSE EN DIESMEER
DAWIE DIE KABOUTER

Pienk Zuit said...

Dawie, baie welkom terug. Maar om vadersnaam dude, DIS NIE NODIG OM TE SKREE NIE! Niemand hier is doof nie, praat maar net op gewone volume.

Anonymous said...

PROF PROF PROF!!!!

Nee kyk ek dink Prof gaan binnekort nie n keuse he of hy die land wil uit of nie,hy kielie so baie mense nou verkeerd op dat dit net nie waar is nie!! Vanoggend het hy die vuurwapen "tender spot" aangeraak en kyk,.....dit is nou een ding om die arme NG kerk mee te grap, maar nou is hy in n ander liga,...dit is n wille spilletjie daai met ewe wille idees.

Maar welgedaan Prof, jy het nou weer die gesprek oopgemaak oor misdaad en diesmeer ten spyte van die feit dat Pienk zuit klaarblyklik alles gese het oor die onderwerp.

JAMMER Pienk zuit dat ek hier WEER kommentaar lewer, maar totdat Salige Rus weer n veilige hawe is waar mens ongeinhibeerd kan mastubeer met idees vry van die wakende oog van die Burger, sal ek maar hier uitpak tot vervelens toe, jammer, jammer en weer jammer.

Ja Prof dit is waaragtig n goeie artikel. Raak aan n paar goeie baie geldige punte.

Self het ek grootgeword in die kultuur van vuurwapens en jag,...immers n boer met sy roer,...passievol oor daardie dinge wat mens destyds trots Afrikaner gemaak het, maar ai doner dit is was ook net n illusie want vandag weet ek nie wat de f..n Afrikaner is nie, maar laat die ou vervelige aanmerking om vredesnaam net daar. Let wel Pienk zuit ek los lg. platgeryde perd net daar waar hy le.

10 jaar terug sou ek nou met Prof baklei het dat die hare waai, maar soos sake nou staan is ek bereid om enigiets prys te gee, al is dit my passie vir jag en diesmeer as dit beteken ek word nie self geskiet deur een of ander fokker wat dink my vet gat lyk soos n eland boud nie,.. sappig en goed onderhou.

Maar ek dink die probleem se oplossing le by die EERSTENS vasvat van die onwettige vuurwapens en kriminele EN DAN kan ek my ou wettige vuurwapens ook vreedsaam gaan ingee.

KLAGAT

Anonymous said...

PROF
KLAGAT

Rakende prof se artikel: wereld sonder geweerskote in van alle kante in die burger saterdag 15/07/06

By gebrek aan Salige Rus sal ek ook maar hier bietjie sanik!

Wrintie waar n paar goeie punte deur beide!!

net een ding,.....Prof ek dink jy spreek jouself uit oor een punt wat ek dink jy skiet die teiken mis.

Dit is nou jou aanhaling dat mense plesier vind deur diere vir hul plesier om een of ander bizarre rede plat te trek.

Elk geval ek dink nie dit is bizarre nie en ek dink mens kan die antwoord vir hierdie gedrag in ons herkoms eeue terug kry toe ons nog "cavemen" was.

Soos die mense wat oor die dinge alles en nog meer weet dit wil he is ons afstammelinge van wesens wat miljoene jare terug "hunter and gatherers" was, dit is nou jagters en versamelaars. Soos die verhaal loop het hierdie mense in grotte gebly en die sterkste mans het gaan jag en met hul terugkeer met die gejagte vleis n groot makietie gehou en dan al die vroue geraps om so doende te verseker dat hul dominante jagter gene voortbestaan en die spesie sterker word. Eintlik maar oom Darwin se teorie afgebreek tot kom ons raps vir die fale!

Die "cavewoman" daarenteen moes bessies en wortels versamel vir die grot se spens.

So wil die geleerdes dan he dat ons moet glo dat hierdie dominante gene deur tyd vasgeteel en verfyn is tot die homo sapiens wat ons vandag die beskaafde mens noem.

Derhalwe is ons inderdaad steeds "hunters and gatherers" en ek dink hier le die antwoord tot hoekom mense so bizarre optree om diere bokveld toe te blaas en dan te poseer vir die kiekies daarna. Immers jagters van ouds wat die kiekies by die huis moet gaan wys en sy vroulike homo sapiens beindruk en dan hopelik weer n bietjie "spark" in die huwelik sit met n wilde raps of twee terwyl hy pure veld en man ruik en lyk!!

Immers is dit nog steeds die sterkste mans wat gaan jag, OK,... miskien het ek dit hier verkeerd en moet ons se dit is die dikste met pense wat gaan jag!

Ons bly nog steeds eintlik maar in grotte as mense dink dat n huis maar n struktuur is met twee gate voor en agter om uit te klim!

En dan is ons nog steeds versamelaars as mens kyk hoe meesal vrouens trollies vol kruideniersware koop en dan die helfte weggooi om net weer te gaan koop, so dit sal nou die cavewomen wees wat die bessies en wortels versamel het destyds om die nodige vesel te voorsien vir die vleisryke dieet.

SO DAAR HET JY NOU EVOLUSIE IN LEWENDE LYWE.

tot weersiens
Dawie die slim kabouter!

Anonymous said...

DAWIE

Nee ek vind fout met die teorie hierbo.

Wil jy nou regtig voorgee dat die mans gaan jag het en by gebrek aan moderne vuurwapens binne n japtrap terug by die huis was?

Ek dink hulle moes vir dae en dae weg gewees het.

Dit laat my wonder oor daardie paar mans wat miskien agterbly het by die grot terwyl die res gejag het nie ook maar n bietjie by die vrouens aangele het nie?

Eintlik dink ek mens is mos maar mens en miskien was dit moontlik waar die eerste "affairs" ontstaan het.

So dit laat ons met n dilemma. As die nie-jagters dan so n lekker tyd gehad het hoe "justify" mens dan die jagtergene wat jy beskryf vandag? Dan moet ons mos nie van jag hou nie?

Mooi loop
Willie Wragtig

BolandBayern said...

Ek sal dit bondig hou omdat byna alles hier reeds gesê is. Pienk Zuit, ek is ook 'n optimis en ek glo 'n mens kan 'n verskil maak. "Uitgeweke kolonies" waar daar net in die dampkring van die eie kultuur in die nuwe land geleef word, trek my nie aan nie. Alhoewel daar in Duitsland meer Suid-Afrikaners is as wat 'n mens dink, het ek hoogstens elke tweede maand kontak met ander Suid-Afrikaners. Ek het ses maande in Australië gewoon sonder om ooit kontak met uitgeweke Suid-Afrikaners te hê. Lammervanger, ek beskou my ook as 'n Afrikaner. As elke volk ter wêreld na elke fout in hul geskiedenis hul naam moes
verander, sou daar geen name meer oor gewees het nie! Deur te sê dat ek 'n Afrikaner is ontken ek juis nie ons foute nie! Pienk Zuit, nogmaals baie dankie vir 'n interessante debat. Wanneer ek oor drie jaar permanent terug is in die Kaap, nooit ek jou en jou vrou vir ete!

Anonymous said...

mooi bewoording die van uitgeweke kolonies en dampkringe!!

Verstaan nie lekker die dampkring analoog nie, ek was maar stadig op skool en al dampkringe wat ek kan onthou was van boom!

Groetnis en dies meer
KLAGAT

BolandBayern said...

Klagat, 'n dampkring is die groep mense waarin 'n mens beweeg. Die aanname is dat hierdie groep mekaar se denke sterk beïnvloed. Groete en los maar daai boom!

Anonymous said...

dankie boland!

maak mooi sin en weer iets vandag geleer.

groete
KLAGAT